Causes Of Suicide

देवाच्या लोकांनो, जर तुमच्याकडून कधीकाळी अशाप्रकारचा शाप अथवा प्रयत्न  कळत-नकळत केला गेला असेल तर त्वरित देवाला क्षमा मागून  असले शब्द येशूच्या नावात रद्द करा. 

तर तू आपल्या तोंडच्या वचनांना गुंतला आहेस; तू आपल्या तोंडच्या शब्दांनी बद्ध झाला आहेस. ह्यासाठी माझ्या मुला, तू असे कर की आपल्याला मुक्त करून घे ”. [ नीती ६;२,३ ]

धार्मिक आणि अधार्मिक असे कोणासही निराशेचा संघर्ष करावा लागू शकतो. पवित्र शास्त्रात आपण पाहातो की काही लोकांच्या जीवनात तीव्र नैराश्य आले. परंतु त्यांनी स्वताला देवाच्या हातात सोपवले.

• शलमोन, सुखाच्या शोधात, त्याने जीवनाचा तिरस्कार केला [उपदेशक २:१७].
• एलीया भयभीत आणि उदास होता आणि मृत्यूची इच्छा केली [१ राजे १९:४].
• योना देवावर इतका रागावला होता की त्याला मरण्याची इच्छा केली  [योना ४:८].

परंतु आपणास पहाण्यास मिळते की, यापैकी कोणीही आत्महत्या केलेली नाही. तर शलमोन हा देवाची भीती बाळगणे आणि त्याच्या आज्ञा पाळणे शिकला [उपदेशक १२:१३]. एलीयाला एका देवदूताने सांत्वन दिले, त्याला विश्रांती करण्यास सांगितले आणि एक नवीन काम दिले. योनाला देवाने धमाकावून सूचना केली. पौल शिकला की, त्याच्यावर आलेली समस्या ही सहनशक्तीच्या पलीकडे होती. तरी, प्रभू या सर्वातून सोडवतो.

या उदाहरणावरून आपण हे शिकावे  की , आपण स्वतःवर अवलंबून न राहाता , तर जो मेलेल्यांना जिवंत करतो त्या देवावर अवलंबून राहावे” [२ करिंथकर १:९].

World Suicide Prevention Day जागतिक आत्महत्या प्रतिबंध  ; 

दरवर्षी 10 सप्टेंबर रोजी 'वर्ल्ड सुसाइड प्रिवेंशन डे' (जागतिक आत्महत्या प्रतिबंध दिन) साजरा केला जातो. , हा दिवस साजरा करण्यामागचा उद्देश आहे म्हणजे लोकांना आत्महत्या रोखण्यासाठी जागरूक करणे होय.

आत्महत्याचा परिणाम

बायबलनुसार आत्महत्या हे देवासमोर एक गंभीर पाप आहे . विश्वसनार्याना त्यांचे जीवन देवासाठी जगण्यासाठी पाचारण केले आहे. आत्महत्यासाठी नव्हे .देवाच्या दृष्टीने आत्महत्या हे घोर पातक आहे [उपदेशक ७;१७ – “दुष्टतेचा अतिरेक करू नकोस; मूर्ख होऊ नकोस; तू अकाली का मरावे ?”] .  एखाद्या व्यक्तीने आत्महत्या केल्याने गतगोष्टी बदलत नाहीत . परंतु, मागे राहिलेल्या प्रियजनावर आत्महत्येचा निश्चितपणे खोल प्रभाव पडतो त्यांना अनेक समस्यांना सामोरे जावे लागते. परीक्षेतून जाणाऱ्या प्रत्येक त्याच्या विश्वासू लेकराला तो त्याची कृपा देतो [स्तोत्र ६७:१]. आणि आपल्यापैकी प्रत्येकाने या वचनावर आशा बाळगावी, “ जो कोणी प्रभूचे नाव घेऊन त्याचा धावा करतो त्याचे तारण होईल” [रोम १०:१३].

 स्तोत्रकर्ता म्हणतो - आज ज्यांना परीक्षांचा सामना करावा लागत आहे त्यांना देव कृपा आणि दृष्टीकोन देईल:“हे माझ्या जिवा, तू का खिन्न झालास? तू आतल्या आत का तळमळत आहेस? देवाची आशा धर; तो माझा देव मला दर्शन देऊन माझा उद्धार करतो, म्हणून मी पुनरपि त्याचे गुणगान गाईन.” [स्तोत्र ४३:५].

आत्महत्या का करू नये ? 

• तुम्ही देवाचे मंदिर आहात. - १करिंथ ३;१६,१७ - तुम्ही देवाचे मंदिर आहात आणि तुमच्यामध्ये देवाचा आत्मा वास करतो हे तुम्हांला ठाऊक नाही काय?  जर कोणी देवाच्या मंदिराचा नाश करतो तर देव त्याचा नाश करील; कारण देवाचे मंदिर पवित्र आहे, तेच तुम्ही आहात.

• आत्महत्या केल्यानंतर पश्चातापाची संधीच उरत नाही .-  आत्महत्या केल्यानंतर त्यासाठी केलेला पश्चाताप उपयोग नाही [ लुक १६;२४].  

• तुम्ही स्वतःचे मालक नाही. - १करिंथ ३;१९,२० -  तुमचे शरीर, तुमच्यामध्ये वसणारा जो पवित्र आत्मा देवापासून तुम्हांला मिळाला आहे त्याचे मंदिर आहे हे तुम्हांला ठाऊक नाही काय? आणि तुम्ही स्वतःचे मालक नाही; २० कारण तुम्ही मोलाने विकत घेतलेले आहात; म्हणून तुम्ही आपले शरीर [व आत्मा] जी देवाची आहेत त्याद्वारे देवाचा गौरव करा.

• आत्महत्या पाप आहे.  याकोब ४;१७ -  चांगले करणे कळत असून जो ते करत नाही त्याचे ते पाप आहे. 
  

म्हणून जीवनात कितीही वाईट गोष्टी घडली तरीही, एक प्रेमळ आणि सर्व समर्थ  देव आहे कि ,जो आपली वाट पाहत आहे. त्याचे नाव येशू आहे. तो आशांना निराशेच्या दरीतून बाहेर काढील आणि अद्भुत प्रकाशचा मार्ग दाखवेल. तो निश्चित विश्वसनीय आहे.

स्वता;चे जीवन आत्महत्येने संपवू इच्छित असणाऱ्यांना सांगू इच्छितो, प्रभूयेशु तुझ तुटलेले हृदय पुनर्स्थापित करण्यासाठी समर्थ आहे.

यशया ६१:१-३ मध्ये, संदेष्ट्याने लिहिले, “गरिबांस  सुवार्ता सांगण्यास परमेश्वराने मला अभिषेक केला आहे. भग्नहृदयी जनांना पट्टी बांधावी , बंदिवानांना स्वातंत्र्याची घोषणा करण्यासाठी,अंधारातून मुक्त करण्यासाठी, परमेश्वराच्या कृपेच्या वर्षाची घोषणा करण्यासाठी... शोक करणाऱ्या सर्वांचे सांत्वन करण्यासाठी... ,  राखेऐवजी सौंदर्याचा मुकुट, शोकाऐवजी हर्षरूप तेल आणि खिन्न आत्म्याच्या ऐवजी प्रशंसारूप वस्त्र द्यावे याकरिता पाठवले आहे.

येशू, देवाचा पापरहित पुत्र देखील, तुमच्याप्रमाणेच नाकारण्याच्या आणि अपमानित अनुभवातून गेला . यशया संदेष्टा ५३:२-६ मध्ये त्याच्याबद्दल असे वर्णन करतो कि , मनुष्यांनी त्यास "तुच्छ व नाकारलेला" असा मनुष्य ...., त्यांचे जीवन क्लेशांनी व दु:खाने भरलेले होते.परंतु त्याने जे दु:ख सोसले ते त्याचे स्वतःचे नव्हते; तर ते आमचे होते. येशू ख्रिस्ताने हे सर्व आपल्या सर्व पापांची क्षमा व्हावी म्हणून सोसले.

तुमच्या पापाचे ओझे कितीही असो, जर तुम्ही नम्रपणे तुमचा तारणहार म्हणून त्याला स्वीकारले तर तो तुम्हाला क्षमा करेल. “...संकटाच्या दिवशी मला हाक मार. मी तुला सोडवीन...” [स्तोत्र ५०:१५]. तुमच्या हातून घडलेला कोणताही मोठा अपराध  येशूकरिता क्षमा करण्यास मोठा नाही. त्याच्या काही निवडक सेवकांनी गंभीर अपराध केला . 

उदाहरणार्थ ;

• दाविद राजाकडुन व्यभिचार आणि खून झाला ,

• आणि प्रेषित पौलाने शारीरिक आणि भावनिक अत्याचार यासारखी गंभीर अपराधं केलीत.

परंतु त्यांनी पश्चात्तापपुर्वक देवाकडे क्षमा मागितली आणि नवीन जीवन त्यांना विपुलपणे मिळाले. “म्हणून जर कोणी ख्रिस्ताच्या ठायी असेल तर तो नवी उत्पत्ती आहे; जुने ते होऊन गेले; पाहा, ते नवे झाले आहे.” [२ करिंथ ५:१७].

चला..! पश्चात्तापपुर्वक येशुकडे या, त्याला तुमचा आनंद पुनर्संचयित करण्यासाठी परवानगी द्या, त्याच्यावर विश्वास ठेवा . तुम्ही गमावलेला आनंद परत मिळवून देण्याचे आणि टिकवून ठेवण्यासाठी तुम्हाला तो अभिवचन देतो. तुमचे तुटलेले हृदय त्याच्यासाठी मौल्यवान आहे. [स्तोत्र ५१:१२, १५-१७].

येशूला आपल्या जीवनाचा तारणारा आणि मेंढपाळ म्हणून स्वीकार करा. तो त्याच्या वचनाद्वारे तुमच्या विचारांना आणि पावलांना मार्गदर्शन करेल . स्तोत्र ३२:८ सांगते . “मी तुला बोध करीन; ज्या मार्गाने तुला गेले पाहिजे त्याचे शिक्षण तुला देईन; मी आपली दृष्टी तुझ्यावर ठेवून तुला बुद्धिवाद सांगेन.” तुमचे जीवन प्रेमळ प्रभूयेशुच्या हातात सोपवा.

जर तुम्ही येशू ख्रिस्तावर तुमचा तारणारा म्हणून विश्वास ठेवू इच्छित असाल, तर तुमच्या अंत:करणातपुढील प्रार्थना देवाला करा.

👉 हे देवा, मला तुझी गरज आहे. माझ्या सर्व अपरांधाबद्दल मला क्षमा कर. मी येशू ख्रिस्तावर माझा विश्वास ठेवतो आणि त्यास माझा तारणारा आणि प्रभु म्हणून स्विकारतो. कृपया मला शुद्ध कर.., बरे कर.., आणि माझे जीवन पुन्हा आनंदीत कर. माझ्यावर असलेल्या प्रेमाबद्दल आणि माझ्यासाठी येशूने केलेल्या बलिदानाबद्दल मनापासून तुझे उपकार मानतो.

कृपया अधिकाधिक या आर्टिकलला शेअर करा , देवबाप आपणास आशीर्वादित करो .