ईस्टर संडे म्हणजे काय? | येशूचे पुनरुत्थान आणि बायबलमधील दृष्टिकोन
ईस्टर संडे काय आहे याबद्दल काही ख्रिस्ती लोकांमध्ये खूप गोंधळ आहे. काहींसाठी, इस्टर संडे हा इस्टर बनी (ससा) आणि रंगीत इस्टर अंडी आहे. बहुतेक लोकांचा समज आहे की, इस्टर संडेचा येशूच्या पुनरुत्थानाशी काहीतरी संबंध आहे; परंतु पुनरुत्थानाचा इस्टर संडे, अंडी आणि इस्टर बनी (ससा) यांच्याशी नेमका काय संबंध आहे, याबद्दल ते अनभिज्ञ आहेत.
ईस्टरचा उगम | Origin of Easter Sunday
खरे बघितले असता, पवित्रशास्त्रामध्ये येशू ख्रिस्ताचे पुनरुत्थान आणि ईस्टर संडेशी संबंधित असलेल्या रूढी-परंपरा यांच्यात कोणताही संबंध नाही. जर ईस्टरची संबंधित पार्श्वभूमी पाहिली, तर हे आपल्या लक्षात येईल की, ख्रिस्ती धर्म हा गैर-ख्रिश्चनांसाठी अधिक आकर्षक बनवण्यासाठी प्राचीन रोमन कॅथलिक चर्चने येशूच्या पुनरुत्थानाचा उत्सव आणि वसंत ऋतूतील प्रजनन विधींचा समावेश असलेल्या उत्सवांचे मिश्रण केले आहे. या वसंत ऋतूतील प्रजनन विधींचे उगमस्थान अंडी व ससा यांच्या रूढी-परंपरांमध्ये आहे.
बायबल स्पष्ट करते की आठवड्याच्या पहिल्या दिवशी म्हणजेच रविवारी येशूचे पुनरुत्थान झाले (मार्क 16:2, 9; लूक 24:1). येशूचे पुनरुत्थान साजरे करणे रास्त आहे (1 करिंथकर 15 पाहा). येशूचे पुनरुत्थान रविवारी साजरे करणे रास्त असले, तरी ज्या दिवशी येशूचे पुनरुत्थान साजरे केले जाते, त्या रविवारला इस्टर म्हणून संबोधले जाऊ नये. कारण रूढी-परंपरांनुसार असलेल्या इस्टर संडे या दिवसाचा येशूच्या पुनरुत्थानदिनाशी काहीही संबंध नाही.
परिणामी, अनेक ख्रिस्ती विश्वासणाऱ्यांचे मत असे आहे की, आपण ज्या दिवशी येशूचे पुनरुत्थान साजरे करतो, त्या दिवसाला “इस्टर संडे” (Easter Sunday) म्हणून संबोधले जाऊ नये. तर उलट, “पुनरुत्थान रविवार” (Resurrection Day) हा दिवस बायबलआधारित पद्धतीने साजरा करावा.
इस्टर बनी आणि इस्टर अंडी | Easter Bunny and Easter Eggs
येशूच्या पुनरुत्थानाऐवजी “इस्टर अंडी किंवा इस्टर बनी” या रूढी-परंपरांना महत्त्व देणे, तसेच मोबाईलमध्ये Easter Sunday images ठेवणे, हे मूर्तीपूजा आहे. या दिवसांत सैतान वेगवेगळ्या माध्यमांतून तारण पावलेल्यांची फसवणूक करत आहे. पवित्रशास्त्रामध्ये “इस्टर अंडी किंवा इस्टर बनी” यांचा कोठेही उल्लेख नाही. ख्रिस्ती विश्वासणाऱ्यांनी अशा सर्व प्रकारच्या मूर्तीपूजेपासून दूर असावे. परमेश्वर देव अशा गोष्टींचा तिटकारा करतो.
या दिवशी येशूचे मेलेल्यांतून पुनरुत्थान झाले आणि त्याचे पुनरुत्थान हे दर्शवते की, येशूला आपला तारणहार म्हणून स्वीकारण्याद्वारे आपल्याला स्वर्गात सार्वकालिक जीवन प्राप्त होते.
येशूचा मृत्यू व पुनरुत्थान याद्वारे आपणास तारण कसे प्राप्त होते, याबद्दल अधिक जाणून घेण्यासाठी कृपया पुढील लेख वाचा:
