What is baptism ,बाप्तिस्मा म्हणजे काय ?

बाप्तिस्मा

what-is-baptism

पवित्रशास्त्रात आपणास पुढीलप्रमाणे  बाप्तिस्म्यांचा उल्लेख आढळतो.

१. पाण्याचा बाप्तिस्मा :- मत्तय २८ : १९     

   तेव्हा येशू जवळ येऊन त्यांच्याशी बोलताना म्हणाला, “स्वर्गात आणि पृथ्वीवर सर्व अधिकार मला दिलेला आहे. तेव्हा तुम्ही जाऊन सर्व राष्ट्रांतील लोकांना शिष्य करा; त्यांना पित्याच्या, पुत्राच्या व पवित्र आत्म्याच्या नावाने बाप्तिस्मा द्या; जे काही मी तुम्हांला आज्ञापिले ते सर्व त्यांना पाळण्यास शिकवा; आणि पाहा, युगाच्या समाप्तीपर्यंत मी सर्व दिवस तुमच्याबरोबर आहे.”

२. अग्निने व आत्म्याने :-  मत्तय  ३ :१

 ...... त्याच्या वाहणा उचलून चालण्याचीदेखील माझी पात्रता नाही; तो पवित्र आत्म्याने व अग्नीने तुमचा बाप्तिस्मा करणार आहे.

लुक :३:१६, प्रे.कृ. १:५, १:८

३. दुःख सहनाचा :-  मार्क १०:३८

....जो प्याला मी पिणार आहे तो तुमच्याने पिववेल काय? व जो बाप्तिस्मा मी घेणार आहे तो तुमच्याने घेववेल काय?”

          लुक १२:५०,लुक १२:५०,मत्तय २६:३९  

४. पश्चातापाचा  :-  मार्क  १:४

त्याप्रमाणे पापांच्या क्षमेसाठी पश्‍चात्तापाचा बाप्तिस्मा घ्यावा अशी घोषणा करत बाप्तिस्मा करणारा योहान अरण्यात प्रकट झाला.

५. मृतांकरीता :-  १ करिंथ १५:२९

असे नसल्यास मेलेल्यांखातर जे बाप्तिस्मा घेतात ते काय करतील? जर मेलेले मुळीच उठवले जात नाहीत तर त्यांच्याखातर ते बाप्तिस्मा का घेतात?

६ . मोशेचा ;-  १ करिंथ १०; १-३

बंधुजनहो, आपले पूर्वज सर्वच मेघाखाली होते आणि समुद्रातून ते सर्व पार गेले;

मेघ व समुद्र ह्यांच्या द्वारे मोशेमध्ये त्या सर्वांचा बाप्तिस्मा झाला;

त्या सर्वांनी एकाच प्रकारचे आध्यात्मिक अन्न सेवन केले;

 बाप्तिस्मा या शब्दाचा मुळ ग्रीक शब्द  ‘ βάπτισμα ’ व उच्चार “ बॅप्टिझो ” Baptizo. आणि  भाषांतर “ पुर्णपणे बुडविले जाणे ” असे आहे .

बाप्तिस्मा घेतल्याने  'नवीन जन्म' किंवा 'पापाची क्षमा होते असे नाही ; तर बाप्तिस्मा हे अंतरंगातील वास्तवतेचे  खऱ्या परिवर्तनाचे बाह्य प्रतीक आहे.

बाप्तिसम्याचा खरा अर्थ

१. ख्रिस्ताने घालुन दिलेल्या आदर्शाप्रमाणे वागणे असा त्याचा अर्थ आहे. १ पेत्र२;२१ योहान.१३:१५.

 २. सर्व धर्माचरण पूर्णपणे करणे असा त्याचा अर्थ आहे (मत्तय ३:१५). जर येशुला याची आवश्यकता होती, तर मला त्याची आवश्यकता आहेच.

३. पापाला मरून त्यापासून वेगळे होणे असा त्याचा अर्थ आहे.  कलस्सै ३:३ ,गलती.६:१४.

नवीन जन्म

४. ख्रिस्ताशी समरूप होणे असा त्याचा अर्थ आहे, रोम.६:४-१३.

अ) त्याच्या मरणामध्ये समरूप होणे, रोम ६:५.

ब) त्याच्या पुरण्यामध्ये समरूप होणे,रोम ६:४.

क) त्याच्या पुनरुत्थानामध्ये समरूप होणे,रोम ६:४.

५. ख्रिस्ताच्या शरीराशी एक होणे असा त्याचा अर्थ आहे . १करिंथ१२:१३

बाप्तिस्मा होण्यासाठी आवश्यक पात्रता ; ज्यांनी विशिष्ट अटींची पूर्तता केली त्यांचाच योहानाने बाप्तिस्मा केला.

१. ज्यांनी सुवार्ता ऐकून तिच्यावर विश्वास ठेवला,मार्क.१६:१६.

 २.ज्यांचे डोळे उघडण्यात आले. प्रेषित९:१८.

३. ज्यांनी पश्चात्ताप केला,प्रेषित.२:३८.

४. ज्यांनी पश्चात्तापास योग्य अशी फळे दिली, लूक. ३:८.  

५. ज्यांना पवित्र आत्मा मिळाला . प्रेषित१०:४७.

६. ज्यांना देवाच्या वचनाचे शिक्षण मिळाले आहे,मत्तय.२८:१९,२०.

 ७. जे ख्रिस्ताबरोबर मेले व पुरले गेले आणि त्याच्या पुनरुत्थानाच्या पार्श्वभूमीवर जगतात.

रोम.६:१-१३  हा या शिक्षणाचा मूळ पाया आहे. तो प्रत्येक  विश्वासणाऱ्याने समजून घेतलाच पाहिजे.

बाप्तिस्म्याची पद्धत

काही मंडळ्या  पाणी ओतून किंवा शिंपडून बाप्तिस्मा करतात .

अ) ओतून - कदाचित ओतून हि पद्धत जुन्या करारातील अभिषेकाप्रमाणे (१ शमु. १०:१) ही पद्धत पुढे चालू ठेवली असावी.

ब) शिंपडून - कदाचित जुन्या करारातील सुंतेच्या विधीवरून पुढे चालू ठेवली असावी.

क) बुडवून – नवीन करारात येशुख्रिस्ताने आज्ञापिलेला बाप्तिस्मा हा बुडवून बाप्तिस्मा आहे , मत्तय २८ : १९ महान आज्ञा.

बाप्तिस्मा या शब्दाचा मूळ अर्थ "बुडविणे' असा आहे. इतिहासतील नोंदी वरून असे  समजते की , नवीन कराराच्या सुरुवातीपासून बुडवून बाप्तस्मा करण्याची पद्धत रूढ होती.

 बुडवून बाप्तिस्मा केल्याची उदाहरणे ;

मत्तय. ३:१६- तारणारा “येशू लागलाच पाण्यातून वर आला.”

प्रेषित. ८:३८.३९- षंढ आणि फिलिप्प. “ दोघे पाण्यात उतरले ” आणि मग ते पाण्यातून वर आले.”

रोम. ६:१-१३ याप्रमाणे शिंपडून बाप्तिस्म्यापेक्षा बुडवून बाप्तिस्मा हे  ख्रिस्ताबरोबर मरण्याचे, पुरण्याचे व त्याच्याबरोबर पुनरुत्थित होण्याचे परिपूर्ण चित्र आहे.

 विश्वासणाऱ्याचा बुडवून बाप्तिस्मा होतो तेव्हा तो स्वतःला मेला असुन पूरला गेला व ख्रिस्ताबरोबर पुनरुत्थित झाला आणि आता येशूसाठी जगत आहे असे त्याद्वारे जगाला सांगितले जाते (कलस्सै.२:१२).

बाप्तिस्मा  कोणाद्वारे किंवा कोणी  करावा ?

मंडळीच्या एका किंवा अधिक प्रतिनिधींनी. उदा. बाप्तिस्मा करणारा योहान, फिलिप्प,पेत्र,पौल आणि सीला ...इ.

४. बाप्तिस्मा कोठे करण्यात येतो ?

• सामान्यपणे नदीमध्ये - येशूचा बाप्तिस्मा ;  मत्तय ३:१३-१७ ,बाप्तिस्मा करणाऱ्या योहानाची सेवा; योहान.३:२२,२३.

• तळे – हबशी षंढ ; प्रेषित ८: ३६

• मुबलक पाणी असेल त्या ठिकाणी

 इमारतीत;  बंदिशाळेचा नायक व त्याचे घराणे - प्रेषित १६:३३  

शिमोन जादूगार- प्रेषित.८:१२,१३